Ўзбекистон Республикасининг айрим қонун ҳужжатларига сайлов ва референдум ўтказиш тартибини янада такомиллаштиришга қаратилган ўзгартириш ва қўшимчалар киритиш тўғрисидаги Конституциявий қонун лойиҳаси 2023 йил 11 октябрь куни Олий Мажлис Қонунчилик палатаси томонидан биринчи ўқишда қабул қилинди. Шу муносабат билан ушбу Конституциявий қонун лойиҳасининг мазмун моҳияти ва аҳамиятини аҳолига тушунтириш бўйича Қонунчилик палатаси депутатлари, Марказий сайлов комиссияси ҳамда Адлия вазирлиги вакилларидан иборат тарғибот гуруҳи аъзолари иштирокида семинар ташкил этилди.