Ўзбекистон Республикаси
Марказий сайлов комиссиясининг қарори
№ 1181 2022 йил 19 июль
Қашқадарё вилоятида бўшаб қолган ўринга Ўзбекистон Республикаси Олий Мажлисининг Сенати аъзоси сайловини ўтказиш тўғрисида
Ўзбекистон Республикаси Сайлов кодексининг 14, 78 ва 87-моддаларига мувофиқ Ўзбекистон Республикаси Марказий сайлов комиссияси қарор қилади:
1. Қашқадарё вилояти давлат ҳокимияти вакиллик органлари депутатларининг бўшаб қолган ўринга Ўзбекистон Республикаси Олий Мажлисининг Сенати аъзоси сайлови бўйича қўшма мажлиси 2022 йил 22 июль куни соат 12:00 да Қарши шаҳрида жойлашган Қашқадарё вилояти мусиқали драма театри биносида чақирилсин.
2. Қашқадарё вилоятида бўшаб қолган ўринга Ўзбекистон Республикаси Олий Мажлисининг Сенати аъзоси сайловини ўтказиш бўйича Халқ депутатлари Қашқадарё вилояти ҳамда туман ва шаҳар кенгашларининг қўшма мажлисини очиш Марказий сайлов комиссиясининг Раиси З.Низамходжаев зиммасига юклансин.
3. Мазкур қарор халқ депутатлари Қашқадарё вилояти Кенгашига ижро учун юборилсин.
4. Мазкур қарор Ўзбекистон Республикаси Марказий сайлов комиссиясининг расмий веб-сайтида эълон қилинсин.
Раис З.Низамходжаев
