Ўзбекистон Республикаси
Марказий сайлов комиссиясининг қарори
№ 1180 2022 йил 14 июль
Ўзбекистон Республикаси Марказий сайлов комиссияси доимий асосда ишловчи аъзолари ва Котибият ходимларига муайян муддат ишлаганлик учун ҳар ойда лавозим маошига нисбатан ҳақ тўлаш тартиби тўғрисидаги низомга ўзгартириш киритиш ҳақида
Ўзбекистон Республикаси Сайлов кодексининг 14 ва 16-моддаларига мувофиқ Ўзбекистон Республикаси Марказий сайлов комиссияси қарор қилади:
1. Ўзбекистон Республикаси Марказий сайлов комиссиясининг 2020 йил 6 ноябрдаги 1041-сон қарори билан тасдиқланган Ўзбекистон Республикаси Марказий сайлов комиссияси доимий асосда ишловчи аъзолари ва Котибият ходимларига муайян муддат ишлаганлик учун ҳар ойда лавозим маошига нисбатан ҳақ тўлаш тартиби тўғрисидаги низомнинг 1-банди қуйидаги таҳрирда баён этилсин:
“1. Аъзо ва ходимга тўланадиган устама ҳақ миқдорлари Марказий сайлов комиссияси Раисининг фармойиши билан белгиланади.”
2. Ушбу қарор Ўзбекистон Республикаси Марказий сайлов комиссиясининг расмий веб-сайтида эълон қилинсин.
3. Мазкур қарорнинг ижросини назорат қилиш Ўзбекистон Республикаси Марказий сайлов комиссияси раисининг ўринбосари Б.Кучкаров зиммасига юклатилсин.
Раис З.Низамходжаев
