Demokratiya va saylovlarga koʻmak berish xalqaro instituti (IDEA) – tashkilotga aʼzo davlatlarning hukumatlararo qoʻshma instituti hisoblanadi. Hozirgi vaqtga kelib, ushbu tashkilotga 36 ta davlat hukumatlari aʼzolik qiladi. 1995-yilda tashkil qilingan IDEAning bosh qarorgohi Shvetsiyaning Stokgolm shahrida joylashgan.
Tashkilot vazifalariga mamlakatlarda demokratik institutlarni rivojlantirish va ularni mustahkamlashda zarur shart-sharoit yaratish, dunyo boʻylab demokratiya sohasidagi olimlar, mutaxassislar va faollar oʻrtasida erkin muloqot va muhokama maydonini yaratish, shuningdek, saylovlarni tashkil etishda shaffoflik, hisobdorlik va samaradorlikka koʻmaklashish hamda demokratik tendensiyalarni tahlil qilish va monitoring qilish kiradi.
2019-yildan beri Xalqaro IDEA bosh kotibi Kevin Kasas-Zamora.
