Muddatidan ilgari O‘zbekiston Respublikasi Prezidenti saylovida nomzod ko‘rsatgan O‘zbekiston Xalq demokratik partiyasi, Tadbirkorlar va ishbilarmonlar harakati – O‘zbekiston liberal-demokratik partiyasi, O‘zbekiston “Adolat” sotsial-demokratik partiyasi va O‘zbekiston Ekologik partiyasining saylovda ishtirokini moliyalashtirish byudjet mablag‘lari hisobidan amalga oshirildi.
Qonunchilikka ko‘ra siyosiy partiyalar saylovda ishtirok etishini moliyalashtirish uchun o‘ziga ajratilgan davlat mablag‘lari yuzasidan oraliq hisobotini saylov kuniga 5 kun qolguniga qadar Markaziy saylov komissiyasiga taqdim etishlari kerak.
Ushbu talabdan kelib chiqib, joriy yil 3-iyul kuni yuqorida ko‘rsatib o‘tilgan siyosiy partiyalar tomonidan ajratilgan mablag‘lar yuzasidan oraliq hisobotlar Markaziy saylov komissiyasiga taqdim etildi.
